POR INTERKOMUNIKADO TRANS LANDAJ KAJ KULTURAJ LIMOJ: INTERNACIA LINGVO

Posted on in ERA ĉe UNO 2 view

POR INTERKOMUNIKADO TRANS LANDAJ KAJ KULTURAJ LIMOJ: INTERNACIA LINGVO

En la monda vilaĝo de telekomunikado montriĝas ĉiam pli urĝa la bezono de helpa komunika lingvo, kies ecoj estu universaleco, simpleco kaj facila lernebleco. De ekonomia vidpunkto, ni ne forgesu, ke la kostoj por interpretado kaj tradukado en internaciaj institucioj, ĉu en la oficialaj kunsidoj de la Ĝenerala Asembleo de la Unuiĝintaj Nacioj aŭ de la Eŭropa Parlamento, ĉu por la rutina interna komunikado, sume ampleksas ĝis 30% de la tuta buĝeto. Ĉiufoje, kiam oni klopodis simpligi la komunikadon per adopto de nur unu aŭ kelkaj lingvoj por interkompreniĝo fiaskis pro la kontraŭstaro de la reprezentantoj de la aliaj lingvoj.

La Radikala Partio agnoskas, ke esperanto estas lingvo, kies ecoj plenumas la menciitajn bezonojn. Kampanjo por eksperimentado per samtempa instruado de esperanto en cento da lernejoj en pli ol 20 diversaj landoj, iniciatita de “Esperanto-Radikala Asocio”, ricevis en 1994 aprobon kaj partan financadon de UNESKO.

Sekve de iniciato de ERA, la Eŭropa Komisiono aprobis en 1995 projekton por informado pri la kosto de (ne)komunikado en Eŭropo. En junio 1996 la Radikala Partio petis de ECOSOC la utiligon de la internacia helpa lingvo esperanto. La dokumento estas nun pristudata de la estraro de ECOSOC, por eventuala enigo en la tagordon.

La Eŭropa Parlamento ricevis proponon de rekomendo por utiligo de esperanto kiel ponto-lingvo en la aranĝo de traduk- kaj interpret-servoj, kaj kiel normolingvo en juraj tekstoj. kaj por ke estu ekzamenata la ebleco de instruado de esperanto kiel “dua lingvo” en ĉiuj lernejoj de la Unio.

Malgraŭ burokratiaj kaj politikaj kontraŭstaroj, dokumento redaktita de la radikalaj parlamentanoj eniris la tagordo d kunsido de lA 19-a de januaro 1998 de la Institucia Komisiono de la Eŭropa Parlamento.




0 Comments

No comments yet
Leaving the first to comment on this article.
You need or account to post comment.