Novaĵoj: La Unuigita Regno deklaras lingvan militon al la mondo.

Posted on in ERA Novaĵoj 5 view

Ni povas memori la 17an de januaro 2008 kiel tagon en kiu Britujo oficiale deklaras lingvan militon al la mondo ne angloparolanta. Milito kiu, duonoficiale, de longtempe estas kondukata.Armeo da 750.000 instruistoj-militistoj okupos denove Hindujon, kiu konkeris sendependecon de la brita kolonia imperio en 1947 sub la neperforta gvidado de Gandhi.Ĝuste Gandhi, kiu en 1908 deklaris “Doni al milionoj da homoj konon de la angla estas kiel sklavigi ilin”, batalis por ke la hinda estu la oficiala lingvo de la lando, brave kontraŭante uzadon de la angla, trudita en Hindujon koloniitan fare de Britujo. Tio, kiu tiam oni simple estus nomita “koloniismo”, nun, en la vortoj de la angla ĉefministro Gordon Brown, aspektas eĉ kiel “donaco” kaj interpreto de “deziroj” de la tuta homaro: “Hodiaŭ mi volas fari al la mondo novan donacon, kiu povas eble helpi homojn, kvankam malriĉajn, lerni, kiel ili deziras, la anglan lingvon”, deklaris Brown antaŭ ol foriri al Ĉinujo kaj Hindujo, aldonante ke “British Council” estas pretiganta novan grandan interretan portalon por varbado de centoj da miloj da instruistoj de la angla por atingi ankaŭ la plej malproksimajn lokojn de ĉiu kontinento. Por konigi kiom eble plej multe la deklarojn de Gordon Brown kaj de la direktoro de “British Council”, mi disponigis ilin ankaŭ en esperanta traduko.
Deklaro de Giorgio Pagano   




0 Comments

No comments yet
Leaving the first to comment on this article.
You need or account to post comment.