Novaĵoj: ERA PARTOPRENAS EN LA UNESKO-KONFERENCO DE BAMAKO

Posted on in ERA Novaĵoj 4 view

  RADIKALA ASOCIO “ESPERANTO” PARTOPRENAS EN LA UNESKO-KONFERENCO DE BAMAKO PRI MULTILINGVISMO EN LA CIBERSPACO

La vicsekretario de la Radikala Asocio “Esperanto” prelegis, sekve de invito fare de UNESKO, pri Sukcesigi Malfermitan Lingvon cele al egalrajta transnacia lingua komunikado en la Konferenco Multilingvismo por kultura diverseco kaj partopreno de ĉiuj en la ciberspaco, organizita de UNESKO mem kune kun la Internacia Asocio de Franceparolantoj kaj de la Africa Akademio de la Lingvoj, kiu okazis la pasintajn 6-an kaj la 7-an de majo en Bamako ene de la preparaj kunvenoj de la dua Monda Pintkunveno de UNO pri la Socio de Informado.
Ene de sia interveno, la reprezentanto de ERA – probable la unua esperantisto invitita kiel referanto de UNESKO en kunveno je tia graveco -, memoriginte ke la malsukceso de la politikoj gxis nun celitaj  eĉ de tiuj pli akre protektivaj  je nacia kaj internacia nivelo por favori al multilingvismo, precipe en la amaskomunikiloj, devas esti lokaliziita ene de strategio kiu preskaǔ absolute nur deziras pligrandigi la lingvan oferton sen konsideri la peton pri simpliigo de la tutmonda komunikado, relanĉis esperanton kiel grandan homan teknologion kiu kapablas ludi rolon en la ofertado de la merkato de la lingvoj, analoge al tio kio estis farita dum la ĵusaj jaroj en la informadika kampo de la softvaroj kaj de la aktivaj sistemoj kiel linux (linukso).
Cetere, kiel jam antaǔ unu jarcento la Granda Magiisto Ĝuljo (itale: Giulio) Verne intuiciis la potencialon de esperanto en sia testamenta rakonto Studvojaĝo, en kiu li imagis ke ĝuste en Afriko la diversaj etnoj estis adoptintaj tiun homan teknologion anstataǔ iun komplikan mekanikan patentaĵon  simila al modernaj aǔtomataj tradukiloj  por solvi la problemon de la fluoj de translingva komunikado.
De tiu ĉi vidpunkto indas atententigi pri la intereso de certa nombro de afrikaj partoprenantoj, precipe en la akademia mondo, al niaj tezoj por solvi je la radiko la mankon de normoj, kaj ofte de alfabetoj, translingvaj inter la variaj lingvoj  ofte plejparte buŝaj  de la kontinento. Alia grava signalo estigita de nia partopreno estis la disponeblo, anoncita en mallonga intervjuo pere de Radikala Radio de la Asistanto de la Ĝenerala Direktoro pri la Sektoro de Komunikado kaj Informado de UNESKO Abdul Khan, por serĉi formojn de kunlaborado kun la Radikala Asocio “Esperanto” cele pligrandigi  pere de uzado de esperanto kiel pontolingvo kaj ekspluantante la reton de la Referentoj de UNESKO de la Asocio  la multilingvismon en la hejmpaĝoj kaj dokumentoj de la Organizo ekde tiuj de la sektoro kiu estas estrata de li.
Denove ERA plifirmigas siajn rilatojn kun UNESKO, fakte firmiĝante en siaj konfrontadoj kiel gvida asocio en la esperantista mondo, en momento en kiu, kiel rememoriginta per granda emfazo de la raprezentantoj de la Pariza Organizo dum la du tagoj de Bamako, la rolo de la Civila Socio
devus esti ĉiam pli plivalorigota en la malsamaj fazoj de elaborado kaj aplikado de ĉionkonsideraj politikaj strategioj. En tiu ĉi sensoERA ne maltrafos la okazon venigi al UNESKO siajn utiliajn proponojn por la Rekomendoj kiuj devos esti pridiskutataj rete dum la venontaj tagoj inter la pluraj partoprenantoj en la Konferenco de Bamako.

Romo, la 7-an de majo 2005




0 Comments

No comments yet
Leaving the first to comment on this article.
You need or account to post comment.