Mallonge

Posted on in ERA Novaĵoj 11 view

ret-info: Mallonge

Ne plu – “La Domo”

La gxenerala membrokunveno de Tutmonda Asocio de Konstruistoj-Esperantistoj,
TAKE en oktobro 2004 i.a. decidis ne plu eldoni la faman revuon “La Domo”.
Tamen la nomo estos konservata kiel nomo de la asocia cirkulero.

Gravaj tekstoj estos aperigitaj en la planata “Jarkolekto de TAKE”. La
retpagxaro de TAKE http://take-esperanto.org estos restrukturita.

La jara kotizo restas 5 euxroj, 20 EUR por subtenanta membro, kaj 17 euxroj
por kombinita membrokotizo IKEF/TAKE.

fonto: La Merkato, n-ro 87.

————

La 16-an de februaro la kroataj taggazetoj “Vecxernji list” kaj “Novi list”
kaj 3 radio-elsendoj raportis pri la lancxo de la japana traduko de
infanlibro “Mirindaj aventuroj de metilernanto Hlapic”. La tradukinto
japanigis la verkon per la Esperanta traduko de Maja Tisljar. Temas pri la
infanlibro kiu gajnis premion cxe Belartaj Konkursoj por la infanlibro de la
jaro 1998.

La lancxon en Urba biblioteko organizis la 15-an de februaro Kroata
Esperanto-Ligo kunlabore kun Japana Ambasadejo en Kroatio. La filino de
japana ambasadoro en Kroatio f-ino Junko Ikeda, vestita per kimono,
vocxlegis el la japana libro, por prezenti la tradukon.

La artikolo en “Vecernji list” okupas la duonon de la pagxo kaj estas ricxe
ilustrita per granda foto de la japana gastino kun la libro enmane.
Esperanta estas menciita en cxiuj prezentoj kiel valora kultura perilo.

S. Sxtimec
<­esperanto@zg.htnet.hr>

—————————————————————

Gestolingvo por surduloj – en Esperanto!


Signuno estas precize kodita gestlingva formo de parolata Esperanto, kaj
celas esti utila por homoj kiuj komunikas en Esperanto tiel ke Esperanto
estu efika ne nur skribe kaj parole sed ankaux mane.

Aldone, Signuno povus kuragxigi Esperantistojn lerni siajn etnajn
signolingvojn kaj povus motivigi surdulojn evoluigi Gestunon. Signuno estas
bazita sur Esperanto kaj sur Gestuno – gxi esperas fidele sekvi la
gramatikon kaj radikaron de Esperanto dum samtempe permesante pli naturajn
signolingvajn movojn kaj aldone pruntante el Gestuno kie interna konsistenco
ebligas.

Hejmpagxo: http://geocities.com/signuno/


———————————————————————

Forpasis prof. Johano Bachrich

Kun granda malgxojo mi informas vin ke hieraux matene, la 28-an de februaro
forpasis en Karakas nia honora prezidanto, Prof. Johano Bachrich.

Cxi matene ni adiauxis lin cxe lia enterigo, en la “Cementerio del Este”,
Karakas.


Andres Turrisi,
Prezidanto de Venezuela Esperanto-Asocio


[addsig]



0 Comments

No comments yet
Leaving the first to comment on this article.
You need or account to post comment.