Kulturo, konkludiĝis la prezentado de la libro de Robert Phillipson “La angla lingva imperialismo daŭras” fare de ERA

Posted on in ERA Novaĵoj 6 view

Kulturo, konkludiĝis la prezentado de la libro de Robert Phillipson “La angla lingva imperialismo daŭras” fare de ERA

Partoprenis: Giorgio Pagano, Robert Phillipson, Ulderico Pesce, Pino Caruso, Corrado Veneziano, Giselda Pontesilli

Konkludiĝis hieraŭ je la 8a vespere la prezentado de la libro de Robert Phillipson “La angla lingva imperialismo daŭras” eldonita kaj prezentita de ERA ĉe Via di Torre Argentina 76, en la historia sidejo de la Radikala Partio en Romo. Partoprenis: la Sekretario de ERA Giorgio Pagano, Ulderico Pesce, Corrado Veneziano, Giselda Pontesilli kaj la aŭtoro de la libro Robert Phillipson, kun la helpo de la interpretado de Marco Cattaneo, tradukisto de la teksto.

«Kun la mono ŝparita de la lernado de la fremda lingvo, la Unuiĝintaj Ŝtatoj financis eĉ trionon de sia scienca esplorado. Mi firme kredas je la demokrata spirito de la usona popolo, sekve mi opinias, ke, kiam ili komprenos la gravecon de la lingva demokratio, la usonanoj estos la unuaj, kiuj subtenos Esperanton kiel trian lingvon por la internacia komunikado», deklaris Giorgio Pagano, aŭtoro de la postparolo, kiu moderigis la gastojn dum la evento.

«Mi tre sentas la lingvan kaj kulturan okupadon fare de Britio kaj Usono. Mi ne akceptas ĝin kaj mi forte dubas pri ĉi tiu procezo: malantaŭ ĝi estas la aroganteco de kolonianta popolo, kiu antaŭe prirabas rimedojn, kaj poste trudas sian lingvon. Farante tion, kolonianta lando sklavigas vin. Mi sentas min okupato, sed la plej granda parto el ni ne ekrimarkas tion», eksplikis Ulderico Pesce dum sia interveno, sekvita de la kolego Pino Caruso: «La tragedio ne estas ne paroli la anglan, sed la honto ne kapabli paroli ĝin. Ni travivas usoniĝon de la plejmalbono, kiun, ni esperas, ne kondukos al establo de la mortpuno; ni italoj havas la masoĥistan volupton importi la plejmalbonon. Mi dankas Phillipson-n, ĉar li ne prezentas sin kiel anglo, sed kiel homa estaĵo», substrekis Caruso.

«Ni estas konvinkitaj, erarante, ke lingvo estas samvalora al alia, sed ĉiu lingvo konsistas el malsamaj ekkonaj procezoj». Laŭ Corrado Veneziano, «La angla estas alpropriganta al si ankaŭ la sintakson: temas pri nia ekzista komplekseco kaj tio ne estas bono». «La lingva posedaĵo samtempe estas kultura posedaĵo kaj konsekvence la lingva supereco iĝas kultura supereco» precizigas Giselda Pontesilli, kiu aldonis: «Italio en dekadenco povas respondi per humanismo okupiĝante pri la vido de la homo. La temo de la lingvo estas substanca, ne formala: defendi la italan signifas defendi substancon».

«Ne estas hazardo, ke ERA decidis traduki mian libron, ĉar la esperantistoj estas idealistoj de la lingvo. Esperanto, fakte, estas lingvo de paco kaj egaleco kaj havas malantaŭ si movadon, kiu antaŭenportas ĉi tiujn valorojn», komentis la aŭtoro, kiu konkludis la prezentadon kun signifoplena dateno: «Kiam junaĝe mi estis rekrutita de British Council, la fondusoj estis komplete ŝtataj. Hodiaŭ du trionoj el la enspezoj devenas de la instruado de la angla».

Romo, la 26an de oktobro 2011




0 Comments

No comments yet
Leaving the first to comment on this article.
You need or account to post comment.