Hungara lernolibro

Posted on in ERA Novaĵoj 2 view

ret-info: Hungara lernolibro

Hungara lernolibro

La hungara lingvoinstrua centro, surbaze de siaj multjaraj kursoj kaj
propagandaj spertoj (pensu nur pri Eventoj kaj Ret-Info) eldonis kompletan
materialon per kiu oni volas subteni kaj la memstarajn kaj la enkursajn
lernantojn de la internacia lingvo.
La instrupakajxo konsistas el pluraj elementoj, subtenataj de la moderna
tekniko: libro, ekzercokajero, sonmaterialoj sur KD kaj kasedo, perkomputila
interaga ekzercoprogramo kun testoj, vortinstrua programo, elektonikaj
libroj kaj ludoj, dekoj da fakaj artikoloj, kaj virtuala ekspozicio de cx.
800 E-o bildkartoj.

La eldonajxoj ankaux aspekte montras la apartenon unu al la aliaj, estas
placxe belaj, allogaj, estetikaj.
Produkti tian kvaliton eblas nur per suficxe da mono, tial la varoj por la
esperantista hungara merkato eble sxajnas iom altaj, sed restas foraj de la
prezoj de la alilingvaj instruhelpiloj.

Analizante mem la lingvan materialon la unua okulfrapa kaj verdire la plej
placxa trajto de la libro estas, ke gxi farigxis ne nur materialo por
instrui la lingvon, sed la auxtoro preskaux samgrade zorgis ankaux pri la
enmovadigo, esperantista eduko de la lernantoj. Cxiu leciono enhavas
plurpagxan informaron. Jen kelkaj temoj el ili: historio de la lingvo, E-o
organizajxoj, fakaj asocioj, eldonajxoj, revuoj, literaturo, uzebloj,
internaciaj arangxoj, Pasporta Servo, korespondaj ebloj, reta uzo de E-o,
listo de landaj kaj lokaj kluboj, asocioj, ktp.
La informojn akompanas praktikaj konsiloj, konkretaj adresoj, ligoj. Tiuj
estas preskaux cxiam precizaj kaj gxisdataj, tamen menciindas ke la
prezidanto de ILEI ne plu estas s-ro Mauro La Torre, kaj ke la plej granda
kaj populara Koresponda Servo ecx ne estas menciata.

La strukturo de unu leciono estas la jena: prezento de la lingvaj elementoj
(prepozicioj, afiksoj, problemaj lingvaj strukturoj, ktp), 2 legajxoj
(monologaj aux dialogaj) pri cxiutagaj temoj (kaj kelkaj ne vere amuzaj
anekdotoj kaj sxercoj), vortolistoj E-o-Hungara kaj inversa, listo kaj
klarigo de esprimoj, movadaj informoj. Bedauxrinde ne troveblas enhavlisto
en la libro kaj tiel la konkretajn temojn ankaux ni ne prezentas.
La stilo de la prezentoj estas senpera, amika, kaj ne tro “lingvistika”. La
klarigoj kaj la ekzemploj atentas la eblajn lingvajn interferojn cxe
hungaroj, kvankam kelkajn kaptilojn ankaux la auxtoro ne sukcesis eskapi.
Atentu! En E-o ni dankas ne la donitajxon, sed la doninton, kaj prefere ne
uzu la vorton knabo rilate al amindumemaj junuloj, cxar knaboj (laux NPIV)
“ne atingis ankoraux seksmaturecon”. Tiuj eraroj povus esti eviteblaj se la
materialojn ankaux alilingva lektoro tralegus antaux la produktado.
La libro “Sukcese gxis la E-o lingvoekzameno” ne havas la klasikajn
ekzercojn, tiujn oni trovas en la aldonaj komputilaj programoj, elsxuteblaj
nun cxe la pagxo de la interaga E-o lingvokurso.

La aldonaj sonmaterialoj kun tre bona studia kvalito kaj klara elparolo de
cxefe hungaraj, sed ankaux de kelkaj rekoneble alilingvaj parolantoj multe
helpos la preparigxon al la auxskulto-komprenaj testoj de la ekzamenoj. Por
la praktika parola uzo de la lingvo devas prepari la uzantojn de la libro
aux dumkurse la instruistoj aux mem la enmovada vivo al kiu la vojo estas
klare indikita.

el [edukado.net]


fonto: ret-info
http://www.eventoj.hu



[addsig]



0 Comments

No comments yet
Leaving the first to comment on this article.
You need or account to post comment.