Deklaro okaze de la tago de gepatraj lingvoj

Posted on in Ni parolas Esperante 26 vedi

Deklaro okaze de la tago de gepatraj lingvoj: 21-a de februaro 2006

La 21-an de februaro estos celebrata en la mondo la Internacia Tago de Gepatraj Lingvoj la sesan fojon. Cxi-jare Unesko, la inciatinto de la celebrado, intencas substreki la lingvan diversecon, alivorte la neceson pluteni la mondon lingve plureca. Interalie konferenco kun tiu temo kiel titolo okazos en la sidejo de Parizo kun partopreno de la plej altaj funkciuloj de la organizajxo, gxuste por marki la gravecon de gxi.

Oni prezentos la sekvojn de la malapero de lingvoj kaj la inciatojn por malhelpi tiun malaperon en cxiuj mondopartoj.

Apartan atenton oni dedicxos ankaux al la iniciato de la Afrika Unio, kiu deklaris la jaron 2006-an “Jaro de Afrikaj Lingvoj” dum la Speciala Kunsido pri Kulturo kaj Edukado de la Pinto-konferenco en Hxartumo fine de la pasinta monato.

La Esperanto movado ankaux cxi-jare aligxas al la celebrado de tiu tago, kies gvida ideo estas esenca parto de la idearo de la Esperanto-komunumo, kaj kiu koincidas kun la Semajno de Internacia Amikeco, iniciatita de Universala Esperanto-socio antazux kvar jardekoj.

Esperanto ne celas anstatauxigi aliajn lingvojn sed nur utili kiel dua lingvo neuxtrala, ne portanta la interesojn de tiu aux alia granda lando, kaj per tio mem protektanta cxiujn lingvojn, grandajn kaj malgrandajn. La tago, cetere, estis kreita por doni atenton al la gepatraj lingvoj, kiuj estas lingvoj de malplimultoj enlandaj kaj de malgrandaj landoj en la monda sceno. La Esperanto-movado de cxiam atentas pri tio kaj ni povas fieri, ke en cxiuj situacioj ni provis fari cxion eblan por favori per Esperan
to gxuste tiujn lingvojn.

Ni estas konvinkitaj pri tio, kion diris Gandhi pri la graveco de gepatraj lingvoj: “… vera edukado ne eblas per eksterlanda rimedo…sole la hejma medio povas stimuli spiritan originalecon en la plej multaj personoj” kaj samtempe pri tio kion diris Zamenhof: “La lingvo internacia deziras nur doni al la homoj de malsamaj popoloj […] la eblon komprenadi unu la alian, sed gxi neniel intencas enmiksigxi en la internan vivon de la popoloj.”

Tiun koncepton resumas dauxre nia slogano “Cxiu rajtas lerni sian gepatran lingvon kaj la internacian lingvon Esperanto”, en la afisxo subtene al la Tago de gepatraj lingvoj de Unesko, kiu estas elprenebla el la ret-pagxoj de UEA:
www.uea.org

Renato Corsetti

Questo messaggio è stato modificato da: oltremare, 17 Feb 2006 – 16:53 [addsig]




0 Commenti

Ancora non ci sono commenti
Lasciane uno tu per primo!
You need or account to post comment.