Aktivulo sercxata – Projecto Agado Espero

Posted on in ERA Novaĵoj 3 view

Aktivulo sercxata – Projekto Agado Espero

Por igxi honora membro de UEA ekzistas nur unu vojo: esti dum multaj jaroj
labora membro de UEA. Jen unu ebleco por vi.

La Agado Espero estas agado, kiu, en cxi tiu momento, turnigxas cxirkaux tri
eroj:

– Solidareco, tio estas helpi esperantistajn viktimojn de militoj aux aliaj
katastrofoj per malgrandaj financaj subtenoj. Tipa ekzemplo: la domo de
esperantisto estas detruita aux lia patro mortigita.

– Lernejoj por Evoluo, tio estas aktiva sercxado en la tiel nomataj
evolu-landoj de lernejoj en kiuj oni instruas apud la loka programo
Esperanton en iu ajn formo, kaj helpado al tiuj lernejoj per bezonataj
lerno-materialoj, skribiloj, kajeroj, ktp. Tipa ekzemplo: esperantista
instruisto, kiu laboras en vilagxa lernejo en Afriko.

– Lingvo de Paco, tio estas instruado de Esperanto en militantaj regionoj
kaj arangxado de renkontigxoj por esperantistoj de malamikaj landoj. Tipa
ekzemplo: instruado de Esperanto en la regiono de la grandaj lagoj en
Afriko.

Se vi opinias, ke oni devas fari ion ankaux en tiuj kampoj. Se vi konas
Esperanton kaj se vi havas energion por organizi la esperantistojn, kiuj
volas labori en tiuj kampoj, tio jam suficxas. Atentu: vi ne nur devas
organizi la laboron sed ankaux trovi la monon por efektivigi gxin.
Esperantistoj estas donacemaj, se ili komprenas, ke ili povas fidi vin.
Jam ekzistas komisiono, kiu okupigxas pri tiu agado (Hans Bakker, Agnes
Geelen, Attilio Orellana), sed ili bezonegas helpon, cxar la laboro
potenciale estas tro granda.

Se vi volas kunlabori kontaktu la kunordiganton de la komisiono:
Hans Bakker
Rete: hansbakker@raketnet.nl

de Renato Corsetti
Via del Castello, 1, IT-00036 Palestrina, Italujo
Rete: renato.corsetti@virgilio.it
[addsig]



0 Comments

No comments yet
Leaving the first to comment on this article.
You need or account to post comment.